Нашата канцеларија успешно ја заврши постапката за меѓународно признавање на трговска марка во Нов Зеланд

По успешно завршената постапка за признавање на трговска марка на ниво на ЕУ претходно оваа година, Адвокатска канцеларија Бошњаковски постигнува уште една значајна пресвртница во својата практика во областа на интелектуалната сопственост. Овојпат, му асистиравме на клиент во постапка за признавање на неговата трговска марка пред Канцеларијата за интелектуална сопственост на Нов Зеланд (IPONZ).

Овој декември, успешно му помогнавме на локална компанија за развој на софтвер да ја признае својата трговска марка во Нов Зеланд. Трговската марка првично беше регистрирана во Државниот завод за индустриска сопственост на Република Северна Македонија. Брендот се однесува на софтверски производ применлив во здравствениот сектор.

Завршувањето на оваа постапка е особено значајно за нас, имајќи предвид дека следеше по иницијално привремено одбивање на признавањето од страна на IPONZ. Имено, IPONZ ја оспори нашата апликација со аргумент дека одредени фигуративни елементи во трговската марка се забранети согласно Законот за Женевските конвенции од 1958 година. Меѓутоа, по вклучување на одредени измени и услови во пријавата, успеавме да го надминеме привременото одбивање и успешно да ја завршиме постапката. Трговската марка сега е признаена без никакви измени во нејзината содржина, форма или бои.

Сопственикот на трговската марка сега може слободно да го прошири своето работење во Нов Зеланд со целосна правна сигурност дека неговите права од интелектуална сопственост се заштитени. Истовремено, се избегнува ризик од повреда на права на трети лица при користење на брендот.

Признавањето во Нов Зеланд е дел од поширока глобална стратегија за заштита на трговски марки, која Адвокатска канцеларија Бошњаковски ја разви и ја спроведува за клиентот. Пред Нов Зеланд, успешно беа завршени постапки во Европската унија, а се очекуваат позитивни исходи и во САД, Канада, Австралија и Сингапур.

Цврсто веруваме дека вистинското богатство во современиот свет се брендови, креативни идеи и знаење, а не материјални ресурси. Со оваа визија, ќе продолжиме да им помагаме на клиентите во заштита на нивната интелектуална сопственост – авторски права, трговски марки, индустриски дизајни и патенти.

За совет во врска со регистрација и заштита на интелектуална сопственост во Северна Македонија и странство, контактирајте нè на contact@boshnjakovski.com или јавете се на +38970257879.